Новости
Основная цель – продвижение экологических знаний и формирование экологической культуры населения, информирование общественности о состоянии дел в области экологической безопасности и о состоянии окружающей среды.
Пройдите тест по этой ссылке
⇓⇓⇓
Ыам ыйын 4 күнүгэр Догдоҥо нэһилиэгин библиотекатыгар дьоһун тэрээһин буолан ааста. Ахтыы чааһа нэһилиэктэн төрүттээх поэт, фронтовик, учуутал Лэгэнтэй Майаҕастыырап төрөөбүтэ 110 сааһыгар ананна.
Петр Дмитриевич Сивцев баһылыктаах олохтоох дьаһалта, библиотека сүрүннүүр үлэһитэ Тамара Ивановна тэрээһини иилээн-саҕалаан ыыттылар. Кэлбит ыалдьыттар санаа атастастылар, урукку тэрээһиннэр устууларын көрдүлэр, кинигэ быыстапкатын ырытыытын иһиттилэр. Ахтыы тыллара истиҥнэрэ, дириҥ историялааҕа, урукку тэрээһиннэр материалларын сэҥээрбиттэрэ ыытааччылары астыннарда.
Кыттыыны ылбыт тэрилтэ салайааччыларыгар, үлэһиттэригэр, оҕолорго, аҕа саастаах дьоҥҥо ахтыыга кэлбит Л. Майаҕастыырап сиэннэрэ ис сүрэхтэн махтаннылар. Эһээлэрин хоһоонноох кинигэтэ эрээттэн эрээккэ, илииттэн илиигэ бэриллэн, сөбүлэммитэ талыллан тута сыанаҕа тахсан бар дьоҥҥо ааҕыллыбытыттан долгуйа үөрдүлэр.
Чугуруйары билбэт, хорсун-хоодуот санаалаах, кыайыыны уһансыбыт аҕа көлүөнэҕэ Үйэлэргэ умнуллубат Албан Аат!
"Тыыннааххын бар дьоҥҥор, дойдугар" медиаобзор Сахалартан бастакы Сэбиэскэй Сойуус Геройа Федор Кузьмич Поповка анаммыт кинигэлэри Мэҥэ Хаҥаластааҕы киин библиотека библиограба Надежда Васильевна Сидорова сырдатар.
Cаха саллааттара Москва куорат көмүскэлигэр, Сталинград иһин кырыктаах кыргыһыытыгар, Ильмень күөл, Курскай Тоҕой, Днепр өрүс, Европа куораттарын босхолуур сэриигэ, Берлин куорат ылыытыгар хорсуннук сэриилэспиттэрэ. Элбэх мэтээлинэн, уордьанынан наҕараадаламмыттара.
Аҕа дойду Улуу сэриитигэр геройдуу быһыыны көрдөрбүт чулуу дьоммут патриотическай хорсун холобурдара көлүөнэттэн көлүөнэҕэ бэриллэн, кэнчээри ыччакка үтүө холобур буолаллар. Биир оннук чаҕылхай холобурунан биир дойдулаахпыт Сахаттан бастакы Советскай Союз Геройа Федор Кузьмич Попов буолар.
Мэҥэ Хаҥалас улууһун Улуу Кыайыыга анаммыт кинигэлэрин быыстапката.