Шаблоны для Joomla 3 здесь

26.09.23

Балаҕан ыйын 23 күнүгэр И.М.Сосин аатынан улуустааҕы киин бибилэтиэкэҕэ «Литературнай дьыктаан -2023” аахсыйа ыытылынна.  Дьыктааҥҥа бибилэтиэкэ көхтөөх ааҕааччылара, итиэннэ В.П.Ларионов аатынан Майатааҕы оскуола 11 «а» уонна Ф.Г.Охлопков аатынан Майатааҕы оскуола 11 кылаастарын үөрэнээччилэрэ кытыннылар.

    

Дьыктаан кыттыылаахтара нуучча литературатын классиктарыттан саҕалаан билиҥҥи кэм суруйааччыларыгар тиийэ барыта 20 боппуруоска эппиэттээтилэр. Бэлиэтээн эттэххэ, Литературнай дьыктааны Мурманскай уобалас культураҕа министиэристибэтин уонна Мурманскайдааҕы государственнай научнай бибилэтиэкэтин көҕүлээһиннэринэн 2021 сыллаахха ыытыллыбыта. 2022 сыллаахха дьыктаан аан дойдутааҕы таһымнаах тэриллибитэ. Аахсыйаҕа кыттыһан 1200 араас тэрилтэлэртэн, 20 дойдуттан  30 тыһыынчаттан тахса киһи дьыктааны суруйбута. Литературнай дьыктаан сүрүн сыалынан улуу нуучча литературатын үөрэтии, ааҕыыны көҕүлээһин буолар.

И.М.Сосин аатынан улуустааҕы киин бибилэтиэкэҕэ Туйгун сыанаҕа барыта биэс ааҕааччы суруйда. Бибилэтиэкэ көхтөөх ааҕааччылара Василий, Анастасия Алексеевтар муҥутуур кыайыылааҕынан буоллулар. В.П.Ларионов аатынан Майатааҕы оскуола 11 “а” кылааһын үөрэнээччилэрэ Валентина Варламова, Валерия Захарова, Ф.Г.Охлопков аатынан Майатааҕы оскуола 11 кылааһын үөрэнээччилэрэ Мила Максимова, Светлана Дьячковская туйгун сыанаҕа суруйдулар.