11.04.2022 г.

        Саҥа кинигэ «Мин улууһум киэн туттар дьоно» сериянан 2021 сылллаахха «Дани-Алмас» хампаанньаҕа 300 ахсаанынан бэчээттэнэн таҕыста. Саха Өрөспүүбүлүкэтин норуотун хаһаайыстыбатын үтүөлээх үлэһитэ, Российскай Федерация үөрэҕириитин Бочуоттаах үлэһитэ, Саха Өрөспүүбүлүкэтин үөрэҕириитин туйгуна, «Гражданскай килбиэн», «Майа-дойдум барахсан» бэлиэлэр хаһаайына, Мэҥэ Хаҥалас улууһун, Майа сэлиэнньэтин, Хорообут, Мөҥүрүөн нэһилиэктэрин Бочуоттаах гражданина Иван Петрович Птицын туһунан дьиэ кэргэнин, чугас дьонун, аймахтарын, доҕотторун, үөлээннээхтэрин, бииргэ үлэлээбит кэллиэгэлэрин истиҥ-иһирэх ахтыылара, хаартыскалар уонна төрүччүтэ киирдилэр. Бэлиэтээн эттэххэ, «Мин улууһум киэн туттар дьоно» серияҕа Иван Петрович Птицын кинигэтэ бастакынан бэчээттэнэн таҕыста.

11.04.2022 г.

 Муус устар 9 күнүгэр Бүтүн Арассыыйатаа5ы акция Тотальнай дьыктаан- 2022 И.М.Сосин аатынан улуустаа5ы киин библиотека5а ыытылынна. Дьыктааны Майатаа5ы лицей нуучча тылыгар  учуутала  Тарасова Евдокия Ильинична суруйтарда. Дьыктааңңа барыта 17 аа5ааччы кыттыыны ылан бэйэлэрин бэрэбиэркэлэнэн, Марина Степанова ааптардаах “Санин год” бастакы чааһын суруйдулар. Дьыктаан түмүгүн Бүтүн Арассыыйатаа5ы “Библионочь - 2022” акция күнүгэр иһитиннэриэхпит. Көхтөөх кыттыыны ылбыт аа5ааччыларбытыгар махтанабыт.

https://t.me/c/1767613617/66

11.04.2022 г.         

       Майаҕа Д.Ф.Ходулов аатынан култуура киинигэр Саха Өрөспүүбүлүкэтин норуотун хаһаайыстыбатын үтүөлээх үлэһитэ, РФ үөрэҕириитин Бочуоттаах үлэһитэ, СӨ үөрэҕириитин туйгуна, "Гражданскай килбиэн", "Майа ‒ дойдум барахсан" бэлиэлэрдээх, Мэҥэ Хаҥалас оройуонун, Майа сэлиэнньэтин, Хорообут, Мөҥүрүөн нэһилиэктэрин Бочуоттаах гражданина, сатабыллаах салайааччыбыт Иван Петрович Птицын үтүө аатын үйэтитэр саҥа кинигэ сүрэхтэниитэ буолан ааста.

joomla3x