Новости
18.04.2022 г.
1902 сыллаахха саас суол баарына Бэйбэчэк Павлов уола Баһылай Павлов харчытыгар куолакал атыылаһан таһаарбыт. Ол саас Майа таңаратын дьиэтин куолакала лыңкыначчы тыаһаабыт. Таңара дьиэтэ үлэлээбит күнүттэн ылата ханнык ба5арар дэриэбинэ сэлиэнньэ диэн ааттанар. Онон, Майа сэлиэнньэтэ олохтоммут күнүнэн 1902 сыл муус устар ыйа буолар.
15.04.2022 г.
Бүгүн муус устар 15 күнүгэр И.М.Сосин аатынан улуустааҕы киин библиотекаҕа Майа төрүттэммитэ 120 сылынан “Таптыыр Майам, төрөөбүт күңңүнэн” диэн ааттаммыт аһаҕас аан күнэ ыытылынна. Бу күн “Майа былыргыта” фотостендэ туруорулунна, “Майа-дойдум барахсан” медиаурок көрдөрүлүннэ. Кэлбит ыалдьыттар, ааҕааччыларбыт “Историяны сэгэтэн” значок коллекциятын, “Мааны мааны маңан Майам” кинигэ быыстапкатын интэриэһиргээн көрдүлэр.“Тапталлаах мин Майам” викторинаҕа Аллараа Бэстээхтээҕи транспортнай техникум устудьуоннара, улуустааҕы харахтарынан көрбөттөр уопсастыбаларын салайааччылара уонна чилиэннэрэ көхтөөх кыттыыны ыллылар. Библиотека үлэһиттэрэ кэлбит ыалдьыттары, ааҕааччылары алгыстаах алаадьынан, саламаатынан, быыппаҕынан күндүлээтилэр.
14.04.2022 г.
Муус устар 13 күнүгэр Нөөрүктээйи модельнай «Экспресс» библиотекатыгар, хамсык ыарыы уһун хааччаҕын кэнниттэн, биир идэлээх библиотека үлэһиттэрэ семинар мунньахха көрүстүлэр.