”Айар” кинигэлэрэ сыл ахсын биллэ тупсар, онон саҥа ылар кинигэлэрбит улууспут ааҕааччыларыгар күндү бэлэх буолуохтара. Ааҕааччыларбыт ”Айар” кинигэ кыһатын куруук кэтэһэллэр, саҥа кинигэ долбуурга хаһан да турбат, өрүү илиигэ сылдьар. Сылын аайы кинигэ хаачыстыбата, оҥоһуллуута, ордук оҕолорго аналлаах таһаарыылар, тупсан иһэриттэн үөрэбит.
Кыһа үлэһиттэрэ эйэҕэс-сайаҕас, элэккэй эдэр оҕолор диэн бэлиэтиэхпитин баҕарабыт. Менеджербыт Алена Ефимова наһаа кыһамньылаах, киниэхэ улахан махталбытын этэбит. Август Васильевичка уонна кини кэлэктиибигэр Мэҥэ Хаҥалас ааҕааччыларын ааттарыттан инникитин элбэх ситиһиилэри баҕарабыт!
Бэлиэтээн эттэххэ, Мэҥэ Хаҥалас улууһун кииннэммит бибилэтиэкэ ситимэ өрөспүүбүлүкэҕэ саамай элбэх ахсааннаах бибилэтиэкэлээх, ааҕааччылаах ситиминэн биллэр. Улуус нэһилиэнньэтин 70% хабан, сыллааҕы былааммыт ааҕааччыга 93,1%, кинигэ биэриитигэр 84% толорон олоробут.
