Хас биирдии киһи ийэттэн төрүүр. Уопсастыба инники дьылҕата ийэ оҕотун хайдах иитэн-үөрэтэн таһаарарыттан тутулуктаах. Ийэлэр оҕолорун тапталга уонна кыһамньыга ииттэхтэринэ, оҕо дойдутугар итэҕэллээх, инникитигэр эрэллээх буолар. Онон ийэ суолтатын үрдэтэр, тустаах болҕомтону уурар сыалтан 2022 сыл Ийэ сылынан биллэриллибитэ, онтон Мэҥэ Хаҥалас оройуонугар бигэ туруктаах дьиэ кэргэн сылынан биллэриллэн билигин манна туһаайыллыбыт үгүс өрүттээх үлэлэр ыытыллаллар.
Ийэттэн ийэ тыл саҕаланар, ийэ тылтан Ийэ Дойду түстэнэр. Бырайыак ааптара И.М.Сосин аатынан Мэҥэ Хаҥаластааҕы киин бибилэтиэкэ дириэктэрэ Елизавета Семеновна Корнилова буолар. Бу бырайыак 2 түһүмэхтэн турар. Бырайыак бастакы чааһыгар Саха норуодунай суруйааччыта Наталья Михалева - Сайа, «Арчы дьиэтэ» духуобунай киини 9 сыл устата салайбыт, СӨ Духуобунаһын Академиятын сэкирэтээрэ Валентина Бочонина кыттыыны ылбыттара. Бэлиэтээн эттэххэ, «Саха» НКИХ Мэҥэ Хаҥаластааҕы филиалын кытта бииргэ үлэһии чэрчитинэн 2018 сыллаахха уһуллубута.