1922 сыл муус устар 27 күнүгэр ылыллыбыт Саха Автономията оччотооҕу Саха уобалаһа өрөспүүбүлүкэ быһыытынан статустаммыта бүгүҥҥү күҥҥэ хас биирдиибитигэр сүҥкэн улахан суолталаах. Саҥа статус саха норуотун эрэ буолбакка, элбэх национальностаах Саха сирин экономическай уонна култуурунай сайдыытыгар сабыдыаллаабыта. Автономиялаах өрөспүүбүлүкэ анал туругун ылыы Саха сиригэр инники олох-дьаһах экономика өттүнэн сайдыытыгар модун көҕүлүүр күүһү уонна тыа хаһаайыстыбатын чөлүгэр түһэриигэ, бырамыысыланнаһы, олох-дьаһах эйгэтин, науканы, үөрэҕи, доруобуйа харыстабылын тэтимнээхтик сайыннарыыга кыаҕы биэрбитэ.