16.09.24
Бу сыл балаҕан ыйын 14 күнүгэр Саха Өрөспүүбүлүкэтин Национальнай бибилэтиэкэтэ төрүттэммитэ 99 сылын туолла. СӨ Национальнай бибилэтиэкэтэ Өрөспүүбүлүкэбит кырдьаҕас билиини-көрүүнү тарҕатар кыһаларыттан биирдэстэрэ. Элбэх көлүөнэ ааҕааччы бу баай фондалаах бибилэтиэкэттэн билиитин чиҥэтэн, олох киэҥ аартыгар кынаттанан тахсыбыта.
Саргылаана Васильевна, Василий Борисович эһигинэн сирэйдээн бүтүн коллективы Национальнай бибилэтиэкэ төрүттэммитэ 99 сылынан И.М.Сосин аатынан Майатааҕы киин бибилэтиэкэ үлэһиттэрин уонна кини ааҕааччыларын ааттарыттан эҕэрдэлиибит!
Бибилэтиэкэ - норуот нэһилиэстибэтин сырдатааччынан буолар. Бу сыллар тухары Национальнай бибилэтиэкэ билии-көрүү уйата, дириҥ өй уонна айар илбис кыһата буолан, үүнэн-сайдан, үгүс көлүөнэни иитиигэ элбэх сыраҕытын ууран, билиигитин анаан үлэлээн кэллигит. Идэлэригэр бэриниилээх, ураты истиҥ сыһыаннаах биир идэлээхтэрбитигэр баҕа санаа бастыҥын аныыбыт.