Все для Joomla . Бесплатные шаблоны и расширения.

13.11.23

Былыр-былыргыттан бачааҥҥа диэри дьон-сэргэ түмсэн, түөлбэлээн олорор сирдэрин-уоттарын, дойдуларын туһунан дорҕоонноохтук ааттатар, атын да сирдэргэ аатырдар уһулуччулаах дьон баар буолаллар. Бу айылҕаттан айдарыылаах, ураты талааннаах дьон - олоҥхоһуттар диэн ааттаналлар. Кинилэр ааттарынан кэнчээри ыччаттара киэн тутта кэпсииллэр, "биһиэхэ оннук киһи үөскээн ааспыта" диэн номох оҥостоллор.

Олоҥхо – саха норуотун уус уран тылынан бараммат баайа уонна айар тыл үрдүк чыпчаала буолар. Саха норуотун бу чулуу айымньыта аан дойду норуоттарын улуу эпостарыттан биирдэстэрэ. "Олоҥхо аартыктаах айана" виртуальнай кинигэ быыстапката Мэҥэ Хаҥалас улууһун олоҥхоһуттарын, олоҥхо толорооччуларын кытта билиһиннэрэр. 

09.11.23

Биир дойдулаахпыт, Арассыыйа Суруналыыстарын, норуоттар икки ардыларынааҕы суруйааччылар түмсүүлэрин уонна СӨ Суруйааччыларын сойуустарын чилиэнэ, улуустааҕы "Таммахтар" литературнай холбоһук сүбэһитэ, элбэх ааҕааччы сэҥээриитин ылбыт кэрэхсэбиллээх сэһэннэр уонна кэпсээннэр ааптардара Степан Степанович Марков сэтинньи 10 күнүгэр 80 сааһын туоларын көрсө, "Суруйааччылыын сэһэргэһиэх..." биэриини көрөргүтүгэр ыҥырабыт.

 

joomla3x