Детская литература

Л.П.Баянакованы кытта отутган тахса сыл Табаҕатааҕы "Кэскил" оҕо саадыгар бииргэ үлэлээн кэллибит. Лидия Петровна хоһоон, чабырҕах суруйарын үлэбит бастакы сылларыттан билэбит.

2001 с. улууска бэчээттэммит "Оҕо мичээрэ" хомуурунньукка "Топтал", "Хаар" хоһоонноро, "Дьикти кубик" дидактической оонньуута бэчээттэммитэ. Мэҥэ-Хаҥалас оройуона тэриллибитэ 75, Улуу Кыайыы 60, Манчаары Баһылай тѳрѳѳбүтэ 200 сылларыгар анаммыт "Умнуллубат кѳрсүһүү" инсценировката, 2005 с. "Туос мааскы" конкурска "Дебют-2005" анал аатынан бэлиэтэммитэ. 201 1 с. "Үлэм уопутуттан" методической пособие, 2012 с. Табаҕатааҕы "Кэскил" оҕо саадын 50 сыллаах үбүлүѳйүгэр хомуурунньук бэчээттэппитэ.

СР үѳрэҕириигэ туйгуна Л.П.Баянакова үрдүкү категориялаах иитээччи быһыытынан билигин даҕаны айымньылаахтык үлэлии сылдьар. Оҕону иитии-үѳрэтии ситимигэр оскуолаҕа киирэр саастаах оҕолору бэлэмниир. Кини оҕолор билиилэрин, дьоҕурдарын сайыннарарга туох баар билиитин-кѳрүүтүн ууран үлэлиир. Кырачааннар тылларын саппааһа байарыгар, бэйэлэрин санааларын толору, аһаҕастык этэллэригэр, толкуйдуур дьоҕурдара сайдарыгар болҕомтотун уурар. Улуустааҕы ааҕыыларга, олоҥхону куолаан толорууга, "Чобуо чооруостар" улуустааҕы хоһоон конкурсугар бэлэмнээн элбэхтэ кытыннарда, ситиһиилэрэ да үгүс.

Билиҥҥи тэтимнээх олоххо тѳрѳппүттэр оҕолорун оҕо саадыгар кыһамньылаах иитээччигэ Лидия Петровнаҕа эрэллээхтик туттараллар. Бу хомуурунньукка кини иитээччи быһыытынан улууска, КМО иһинэн научнай-практическай конференцияларга уонна бэлэмнэнии бѳлѳх иитиллээччилэригэр аахтарбыт дакылааттара киллэрилиннилэр.

Виктория УВАРОВСКАЯ, Табаҕатааҕы "Кэскил" оҕо уһуйаанын методиһа,

СР үѳрэҕириигэ туйгуна