Категории
Сайда, барҕара тур Туруйалаах Томторбут
- Категория: Политика
- Библиотека: Мельжехсинский 3 наслежный филиал
- Адрес: Томтор ул. Сосновая, 9
- Год: 2017
Посещения: 580
Туруйалаах Томтор... Элбэх киһи олохсуйбут, төрөөбүт-үөскээбит, иитиллэн тахсыбыт үтүө-мааны дойдута. Хас биирдиибит сүрэҕэр кини сиккиэр тыала, сылаас ардаҕа, чэмэлкэй күнэ, хаан-уруу аймах дьоно иҥэн сылдьар. Ханна да сырыттарбыт, ханна да тиийдэрбит төрөөбүт дойдубутун, үөрэх-билии суолугар үктэннэрбит оскуолабытын, аан бастаан үлэ киэҥ аартыгар үктэнэргэ тирэх буолбут сирбитин ахтабыт-саныыбыт, махтанабыт.
Хатыҥ чараҥ алардаах, кырылас кумахтаах тапталлаах Томторбут нэһилиэгэ аныгы үйэҕэ үүнүү-сайдыы суолун тутуһан, үлэни-хамнаһы өрө тутан, үөрэҕи - билиини батыһан, күннэтэ тупсар, киэркэйэр, улаатар...
Быйылгы сылга нэһилиэкпит историятын биир чаҕылхай страницатынан үөрэхтээһин сайдыытын 125 сыла буолар. Манна олоҕуран бүттүүн нэһилиэк историятын иккис кинигэтэ күн сирин көрдө. Кинигэ матырыйаалларын, ахтыылары,
хаартыскалары хомуйууга, бэлэмнээһиҥҥэ үлэлэспит, көмөлөспут дьоммутугар, тэрилтэбит салайааччыларыгар, үлэһиттэригэр, биир дойдулаахтарбытыгар барҕа махтал тылларын аныыбыт!
Кэлэр кэскиллэрбитигэр, ыччаттарбытыгар нэһилиэкпит историятын дьоһун кэрчик кэмин кэпсиир, билиһиннэрэр, уйэтитэр кинигэбит үтүө өйдөбүнньүк буолуо диэн эрэнэбит.