Наши авторы
Кычкина Евдокия Федотовна
Саха Республикатын культуратын туйгуна. 1950с муус устар 28 күнүгэр Мөҥүрүөн нэһилиэгэр Матта бөһүөлэгэр төрөөбүтэ. Аҕата Кычкин Федот Семенович нэһилиэгэр сельсовет бэрэссэдээтэлэ, ийэтэ Кычкина Татьяна Николаевна холкуос чилиэнэ этэ. 1968 сыллаахха Балыктаах оскуолатыгар үөрэнэ сылдьан туйгун үөрэнээччи, комсомольскай тэрилтэ сэкирэтээрэ, дружина сэбиэтин бэрэссэдээтэлэ этэ, салгыы биир сыл производствоҕа үлэлээбитэ. 1969 сыллаахха Дьокуускайга культпроссвет училище театральнай салаатыгар үөрэнэ киирбитэ. Училищены 1971 сыллаахха
бүтэрэн Таатта Баайаҕатыгар 3 сыл директорынан үлэлээбитэ. Онно республика биллэр дьонун Мандар Ууһу, И.М. Хатылаевы, Лука Турнины, Владимир Татариновы уо.д.а. кытта алтыспыта,
үлэлээбитэ. 1974 сыллаахха төрөөбүт улууһугар Павловскайга ананан Культура эйгэтигэр 40-тан тахса сыл таһаарыылаахтык үлэлээбитэ. Культура киинигэр 7 сыл директорынан, салгыы методиһынан
үлэлиир кэмигэр «Төрут» ансаамбыл, онно фольк-кантри, рок-чабырҕах курдук уустук жанрдары, «Играй, гармонь!» ансаамбыллары частушкаҕа, балалайкаҕа дьарыктаабыта, тэрийбитэ, салайбыта,
сайыннарбыта. Бу коллективтар улуустааҕы Культура уонна спорт эстафетатын хас да төгүллээх лауреаттара, дипломаннара. Евдокия Федотовна хас да төгүллээх Бүтүн Союзтааҕы уус-уран көрүү лауреата, биллиилээх тойуксут, норуот талааннааҕа.