Наши авторы

Гурьев Михаил Васильевич, үлэ, тыыл бэтэрээнэ, Саха Республикатын Бочуоттаах тутааччыта, Дьаҥхаады нэһилиэгин бочуоттаах олохтооҕо, 3 төгүл социалистическай үлэ күрэҕин кыайыылааҕа, оройуон тутууга чемпион бригадатын салайааччыта, олохтоох автор, тустууга, хапсаҕайга оройуон, Герой – Попов аатынан спартакиада үгүс төгүллээх чемпиона, призера 1935 сыллаахха сэтинньи ый 10 күнүгэр Таатта улууһугар Тыараһа нэһилиэгэр, Түөйэ дэриэбинэтигэр төрөөбүтэ. Эдьиийин Аннаны кытта эрдэ тулаайах хаалан, эһэлэригэр Төҥүргэс Мэхээлэҕэ, онтон эдьиийдэригэр Лукерья Михайловнаҕа уонна Александра Михайловнаҕа иитиллибиттэрэ.

1964 с. Кузьмина Нина Сысолятьевналыын ыал буолан, үс оҕолонон, Мэҥэ-Хаҥалас Төхтүр бөһүөлэгэр олохсуйбуттара. Кини 7 кинигэ автора, хоһоонноругар Степан Сергучев, Аскалон Павлов, Тамерлан Иванов, Виктор Иванов, Николай Афанасьев, Прокопий Федоров ырыалардаахтар. 1995 сыллаахха Российскай Федерация суруйааччыларын союһун чилиэнэ В.В. Скрябин – Идэлги буолан сүбэлэһэн нэһилиэк библиотекатын иһинэн «Аартык» айар дьон түмсүүлэрин төрүттэспитэ.

Мэҥэ-Хаҥалас үрдүнэн элбэх тутуу үлэтин ыыппыт ПМК – 875 диэн тэрилтэҕэ прорабынан үлэлээн элбэх социально-бытовой объектары бүтүн улуус үрдүнэн тутарга кыттыыны ылбыта.

Талыы-талба, үгүс саха биллиилээх классиктара үөскээбит Таатта сирин биир мааны уола Мэҥэ-Хаҥалас  Тэхтүрүгэр айар-тутар үлэни сааһын тухары өрө туппута. Үс оҕону иитэн-такайан олох киэҥ суолугар кэргэнинээн Нина Сысолятьевналыын атаарбыттара, үйэ аҥаарыттан ордук кэмҥэ өйөһөн-өйдөһөн олорор “Ытык ыал” аатын сүгэллэр.